【Now財經台】截至早上11時，1小時內《彭博》用戶關注度上升最多的港股，依次為中銀航空租賃(02588)、世茂集團(00813)、港交所(00388)、領展(00823)、寶龍地產(01238)。
中銀航空租賃發盈警，預料上半年稅後淨虧損3.1億至3.3億美元，因為歐美制裁俄羅斯而停止向當地航空公司出租18架飛機，仲提到有17架滯留係當地應該收唔番，所以要進行有關帳面減值，涉及8.03億美元。
雖然飛機減值唔關業務事，但投資者係貪佢穏陣又有息先買，之前派息政策是稅後淨利潤35%，通告講明董事會有絕對酌情處理權決定派息金額，究竟今次事件有冇影響派息？
富昌證券聯席董事譚朗蔚指，投資者買佢就為咗股息，如果公司削減派息有機會令到股份唔吸引，以美國為例，最近喺美國加息周期，一啲3厘到5厘穏陣派息嘅股被捱沽，環球資金部署可能會選擇相對零風險嘅美債。
他提醒大家，要留意沽壓係咪一日就完結，股價過往大致喺58元至68元之間徘徊，建議觀望多兩日才部署。
