【股市脈搏】Naspers沽貨京東未驚過照升

【Now財經台】騰訊控股(00700)大股東Naspers「反口」部署減持，拖累「股王」倒跌，相反，畀Naspers清倉套現逾280億元嘅京東集團(09618)，股價今日愈升愈有，全日維持強勢，收市升逾6.2%，報265.4元。

Naspers繼去年4月減持後，依家又話計劃減持套現用嚟做回購，預期每日出售持股數目，佔騰訊日均成交量最多5%，呢個潛在不明朗因素令騰訊逆市受壓，但冇受沽貨消息影響嘅京東，暫時喺250天線，即4月下旬嘅高位遇阻。