【Now財經台】互太紡織(01382)噚日出咗業績，全年少賺逾20%，毛利率就跌至12.8%，末期股減至14仙。雖然集團全年收入增長12%，但單計下半年，收入按年及跟上半年比較都要倒退。互太預告，成本好難回落到2年前水平，又預期客戶需求會因庫存因素轉弱，互太最壞時期係咪未過？毛利率下跌空間仲有幾大？
寶鉅證券董事及首席投資總監黃敏碩指，相信投資者會認為，互太業績最壞時期最少持續多半年，加上同類股票選擇好多，投資者擔心揸住呢隻股會有不明朗風險，所以掟貨機會相當高。
Michael又話，互太喺供應鏈中處於中下游，一方面受客戶定單及需求影響，另一方面亦受上游原材料影響，加上美元繼續強勢，令公司嘅出口項目充滿變數。
