【期匯決算】等油價彈上110美元再買入

【Now財經台】紐約期油一度跌至每桶101美元，連同布蘭特期油齊齊失守100天線後喘定，紐油今個月暫時累跌9%，紐油上次跌穿100美元已經係個半月前，短線係咪要試一試100美元？

艾德證券期貨投資策略總監文錦輝指，油價短短6、7個交易日已跌咗逾20美元，原本市場焦點唔係放喺經濟衰退，但見到聯儲局開始加息，聯儲局主席鮑威爾又話經濟可能陷入衰退，市場就開始擔心。

Felix又話，聯儲局之前已加息0.75厘，如果7月再加0.75厘，真係有機會令通脹降溫，如果油價急挫，通脹又降溫，聯儲局可能會放慢加息步伐，如果經濟動力唔夠，油價未必會一下升穿100美元。佢認為，如果投資者想入市，不妨等油價彈上110美元以上再考慮，現階段買入會有風險。