【Now財經台】醫思健康(02138)中午出咗全年業績，股價放榜前已經偏軟，中午派咗成績表後，下晝沽盤湧現，股價一度插水式下滑，一度挫逾4%，低見7.52元，但成交其實唔係特別多，暫時成交金額僅逾600萬元。
集團全年僅多賺逾2%，收入則增長40%，雖然全年派息比率維持約84%，但實收全年股息僅14.4港仙，連續兩年縮水。
醫思股價過去2個月一直橫行，並受制100天線，但依家100天線呈向下趨勢，下望3月低位5.8元。
集團預期，獸醫業務會成為新增長動力，公司上個財年收購咗7家寵物醫院，以及2家動物用高端影像中心，對推動盈利有冇幫助，仲要時間觀察。
