【股市脈搏】微創醫療分拆炒到幾時？

【Now財經台】微創醫療(00853)股價今朝輕微高開後，曾短暫倒跌，但好快已重拾升勢，升幅逐步擴大，午後更刷新日內高位，一度升逾9.5%，高見20.55元，成交股數較過去100日同時段平均增逾倍。

微創醫療日前公布分拆微創腦科學已通過港交所(00388)聆訊，並於同日喺港交所更新咗聆訊後嘅招股書，微創醫療繼續借分拆消息炒上，突破3月引伸出嚟嘅橫行區阻力，股價暫時連升3日，但留意14天RSI已升至近70嘅超買水平。