【Now財經台】美團(03690)今日反覆向下，表現係ATM之中最差，美團今朝以暫時高位，輕微高開，開市報200元，但之後好快倒跌，一度跌逾2%，低見195.3元，其後跌幅逐步收窄。
美團創辦人兼首席執行官王興上星期於場內合共減持美團10萬股B股，套現近2000萬元，值得留意係，近期唔少機構投資者或大股東，都選擇喺股價相對高位減持，噚日騰訊控股(00700)喺場外減持眾安在綫(06060)，上星期就連續兩日大手減持近期爆升嘅新東方在綫(01797)。
王興加入減持行列，可能預示美團股價，短線會好似其他被減持嘅股份一樣，會出現一輪整固。
