【Now財經台】內房股佳源國際(02768)今日一度狂飆逾90％，雖然升咗咁多，但仲未脫離毫子股行列，5月中曾傳出大股東抵押嘅消息，佳源系疑遭斬倉，導致系內兩隻股份急瀉後停牌，之後仲要「賣仔」撲水，不過，佳源上周後期突然宣布終止出售佳源服務(01153)，今日公司又公布，授出購股權獎勵員工，應該點理解佳源一連串動作？
《香港股票財技密碼》作者梁杰文表示，從大方向嚟睇，內房股都比較「水緊」，搞到要出售旗下嘅物管公司嚟撲水，但集團最終叫停出售，但仲可以授出購股權獎勵員工，公司似乎冇市場預期咁水緊，仲喺低位發可換股債券(CB)鼓勵員工士氣，兼刺激股價大升。
