【Now財經台】截至早上11時止，1小時內《彭博》用戶關注度上升最多港股，依次為快手(01024)、易居企業控股(02048)、金沙中國(01928)、中海油田服務(02883)、中國銀行(03988)。
快手股價今日受壓，係科指成分股中跌幅較大嘅股份，快手作為直播平台龍頭之一，股價近日走弱係咪同競爭大咗有關？
椽盛資本投資總監曾永堅指，快手本身已經應付抖音呢個強大對手，另一方面，直播平台嘅競爭亦有增無減，雖然快手逐步調整經營策略，亦致力降低營運成本，但面對市場競爭加劇呢個利淡因素，佢又估計，快手股價會借勢喺高位調整。
