【專家分析】券商股回勇因...

【Now財經台】內地及香港股市今日有返啲動力，其中上證更重上3300點，板塊方面，中資券商股表現搶鏡，尤其光大證券(06178)H股暫時已連升6日，累升逾40%，A股過去5個交易日有4日漲停板，中資券商股普遍跟住大市上落，近期回勇係咪純粹因大市氣氛好轉而炒返轉？

英皇證券研究部總監陳錦興指，相信大環境係其中一個因素，因為外圍市況非常波動，相比之下，A股有一定韌性，事實上，外資機構近期都重新睇好內地及香港股市。佢又話，內地今朝公布嘅經濟數據唔錯，似乎令買盤有一定信心推高券商板塊。