資料報價延遲十五分鐘
【Now財經台】氫能概念股東岳集團(00189)噚日收市後發盈喜，預期今年首5個月多賺逾1.7倍，又估計截至6月底止嘅中期盈利，按年有機會大幅增長，刺激股價今朝高開逾5%後，升幅一度擴大至近10%，高見12.18元，其後升幅收窄。
東岳股價已連升第3日，但喺12元水平似乎有好大阻力，後市要留意可唔可以突破到呢個整數關口，再上望15元係一個更大嘅阻力位，亦係舊年11月底嗰輪跌浪嘅起步位。
