【Now財經台】港股下晝一度瀉逾800點,失守21000點,不過,浙江世寶(01057)冧市照升,今朝低開後,好快就倒升,一度升逾6.3%,高見1.83元,成交股數較過去100日同時段平均增逾3倍,但成交金額只得逾2300萬元,浙江世寶A股表現更強勢,一度漲停板。
浙江世寶成交5月中開始變得活躍,期間股價累升38%,今日進一步迫近250天線,即1.9元水平,浙江世寶一向係北水愛股,最新持股比例達26.8%,較月初多近1個百分點。
睇返技術走勢,浙江世寶RSI已升至65,仲未超買,但留意今日高位仍受制1月拉出嚟嘅下降趨勢線,即使喺短線資金推動下有力再衝多浸,但如果冇實質營運數據支持,都好難長期企得穩。