【Now財經台】截至早上11時止，1小時內《彭博》用戶關注度上升最多港股，依次為旭輝控股集團(00884)、五礦資源(01208)、中國銀行(03988)、中芯國際(00981)、騰訊控股(00700)。
每次內房上榜，其實都離唔開債務的消息。《彭博》報道提及，旭輝嘅美元債錄得3個月以來最大跌幅，但內房債務問題一直存在，其實市場對呢啲新聞係咪已經麻木？
大華繼顯執行董事梁偉源指，其實投資者對內房股債嘅興趣已經好低，近期見到中央推出好多刺激經濟政策，甚至對新經濟企業嘅監管「鬆咗手」，相對之下，到目前為止中央點處理內房危機似乎冇乜聲氣，所以投資者更加對呢個板塊興趣唔大。
