【now.com財經】今朝揀咗隻恒指牛(50605)出嚟，都係分咗兩個方法落場：進取嘅稍等指數回落保歷加通道中軸見支持進場；安全嘅一如以往用Slow STC(14,3)落到超賣入好倉博出Swing Trade。等咗成個朝早，都未見到可以摺隻好倉落場嘅位，作戰室戰友午前紛紛收割就大把時間，但以呢個專欄睇嘅讀者，都真係要等到下半場先至搵到機會。
呢兩日唔知做乜好似多多時間都唔夠用，可能作戰室愈嚟愈多人嘅關係，還好大家相處融洽；再加上本身嘅工作，所以搞到今朝隻【輪證贏家】上半Part遲咗，講聲唔好意思先，不過我都盡力架啦。
下半場返嚟見到指數喺五分鐘圖上有進一步下行嘅情況，指數更一度失守跌穿保歷加通道中軸，進取mode出唔到；不過，五分鐘圖上嘅Slow STC(14,3)就落到超賣水平，嗰時講緊係1點25分至1點30分，響起咗安全Mode入(50605)嘅訊號，以當時(50605)期內高低位做過0.059元/0.054元計，平均買入價為0.0565元。
依家1點49分，指數同Slow STC(14,3)齊齊觸底後，有再向上行嘅走勢，只係目前五分鐘圖見「V彈」但未破頸線。望望月曆，話咁快今日又Happy Friday，吼Slow STC(14,3)落到超賣而出好倉，正路更係等Slow STC(14,3)行Swing trade上返超買水平然後走好倉啦，咁就順利成章可以完成今趟，但依家個「V彈」頸線位仲要撞正「平頂」，Slow STC(14,3)都爭啲先至超買位，咁啦，五分鐘圖上見指數仍然守穩100分鐘線(五分鐘圖20線)嘅，先至再等Slow STC(14,3)上多次超買啦，否則過夜就變過Weekend架啦。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
想入作戰室？Click呢度就得：https://www.patreon.com/cbbcwar
