【股市脈搏】炒糧食危機？中國澱粉突買盤湧現

【Now財經台】本地上市的糧食股唔多，以上游業務為主嘅中國澱粉(03838)，平日較少人留意，今朝平開後，早段曾短暫倒跌，但之後買盤湧現，股價拗腰向上，一度高見0.29元，升逾9.4％，成交都幾活躍，成交股數較過去100日同時段平均成交增逾5倍。

中國澱粉股價5月中由不足0.2元起步，在成交顯著增加下，升至今日嘅4年高位，累升50%，到底係炒糧食危機，還是股份自身因素，要留意住資金係咪繼續跟進，依家RSI已上78樓上嘅超買區，如果之後冇消息跟尾，小心有回調風險。