【Now財經台】佐丹奴國際(00709)今日開市前停牌,集團出通告,話待刊發收購或合併消息,市場估計,都離唔開售股或者私有化,引發部分有私有化概念嘅零售股急升。
其中新世界百貨中國(00825)今朝高開約1%,之後keep住有得升,下晝買盤突然湧現,升幅一度擴大至逾33%,高見1.32元,收市仍升逾18%,報1.17元,成交股數較過去100日同時段平均激增逾80倍。
如果以舊年年報嘅資產淨值計,新百貨每股資產淨值(NAV)係2.8元,較噚日收市價有1.82倍溢價,股價今日曾經上過250天線,但呢個位沽壓較大,開出好長嘅上影線,14天RSI上到73嘅超買水平,跟風追入要小心。