【Now財經台】水泥股今日反彈，但水泥價格指數近排走勢只係一般，有大行就唔認為會爆發價格戰，富瑞出報告，指內地封控影響水泥價格純屬意外，行業生產仍然有紀律。隨著內地基建下半年陸續開工，會利好水泥行業，如果睇好呢個板塊，應該點揀股？
獨立股評人譚智樂指，唔少樓市、基建項目保證咗水泥需求，如果唔係盲目擴張生產線，出現產能過剩嘅機會唔大。佢又話，水泥股現金流較強，喺依家嘅市況下，最重要係公司有穩定嘅盈利能力，雖然近日跌咗唔少，但短線會有反彈，都需要睇得太淡。
Arnold又話，現階段可以開始做部署，如果進取嘅投資者，可留意中國建材(03323)，短線守得住8元，可以博技術反彈，如果做長線部署，可以留意海螺水泥(00914)，止蝕位擺32元，同埋睇下上唔上到40元水平。
