【Now財經台】截至早上11時止，1小時內《彭博》用戶關注度上升最多港股，依次為港交所(00388)、泡泡瑪特(09992)、貝殼(02423)、中國海外發展(00688)及中國石油化工股份(00386)。
港交所最近似乎冇咩重大消息，最新只係有報道話，內地智能電動汽車開發商威馬已經向港交所遞咗上市申請，威馬申請上市對港交所嘅提振作用有幾大？
耀才證券研究部經理譚智樂指，依家港交所好難再靠IPO上市，或互聯互通嘅消息大幅炒上，依家港交所股價主要跟大市上落，不過，投資者亦唔使睇得太悲觀。
Arnold指，港交所唯一憧憬係大市會唔會由低位反彈，留意會唔會升穿50天線，如果可以升穿，可以再推高10幾20蚊，再睇下可唔可升穿下一個橫行區，即320元至345元。
