【Now財經台】今日新能源概念股由頭升到尾，火電股、風電股及光伏股，早段已全線抽升，噚日發改委及國家能源局發布「促進新時代新能源高質量發展實施方案」，提出7大具體措施，邊項措施最有利可再生能源發展？
獨立股評人莫灝楠認為，加快沙漠地區推進，用政策刺激風電、太陽能發電總裝機數字，呢啲都好值得斟酌，因為風機總裝量已升近20%，中央已畀咗明確嘅目標、論調，計返條數，今年業績有增長，例如金風科技(02208)、龍源電力(00916)呢啲風電企業，又或者做太陽能嘅新特能源(01799)都破晒位，升晒上去，因此，呢啲政策會直接利好，不論國家補貼或鼓勵國企轉形，都是不可逆趨勢，長遠企業營收都會升咗上去。
