我的股票

    名稱 現價 升跌

    資料報價延遲十五分鐘

    【財經TOP SEARCH】 點解長實除淨後拾級而下?

    【分析】 2022/05/31 15:42

    【Now財經台】截至早上11時止,1小時內《彭博》用戶關注度上升最多港股,依次為長實集團(01113)、龍光集團(03380)、寳龍地產(01238)、中國石油化工股份(00386)及融信中國(03301)。

    長實好少上榜,近排又冇乜消息,上星期二除淨到依家,股價表現一直麻麻,其實買地產股嘅投資者唔係太睇重收息,點解除淨後股價跌咗咁多?

    京華山一國際研究部主管彭偉新指,地產股資產折讓非常大,起碼有30%以上,大部分投資者都對地產股又愛又恨。長實好耐冇出手投地,反映公司對整體地產市道睇法傾向審慎。雖然近排中原城市領先指數(CCL)持續上升,但市場有共識本地地產市場大升空間唔多,加上步入加息周期,難免影響未來嘅銷售。 佢又話,長實除淨後股價開始偏軟,地產股資金流向消費股、中資科技股,由於地產股資金被吸走,導致股價偏弱。

     

    彭偉新
    京華山一國際研究部主管
    想睇更多財經消息