【股市脈搏】AGM竟否決派末期息！禪遊小股東怒掟

【Now財經台】禪遊科技(02660)股價今日裂口低開逾14%後，跌幅好快擴大至逾28%，低見1.27元，其後跌幅收窄，禪遊沽壓好大，成交股數較過去100日同時段平均大增約15倍，今日股價急插相信同股東會否決派末期息有關。禪遊科技3月底出業績及派息，之後股價裂口上升，並持續炒上，今日一跌，股價已去返當日嘅水平，仲一度失守250天線，但牛熊線暫時似乎有支持，後市要留意公司會唔會出嚟解畫。