【Now財經台】截至早上11時止，1小時內《彭博》用戶關注度上升最多港股，依次為新城發展(01030)、港交所(00388)、海底撈(06862)、花樣年控股(01777)、遠洋集團(03377)。
中證監及香港證監會原則上同意將交易所買賣基金(ETF)納入互聯互通，不過，有大行認為，對港交所日均成交及收入等幫助不大，又話好難成為股價催化劑，不過，港交所股價今朝一度升逾4%，高見344.4元。
富昌證券聯席董事譚朗蔚指，港交所股價今日升肯定同個市有關，其實「ETF通」拍板市場一早預咗，只不過等落實。Stevan又話，其實過去幾年唔少組織，都為ETF市場更成熟做咗好多功夫，而整體市場係進步中，但熱度就未夠，所以滬港通、債券通，甚至ETF通，為港交所帶嚟嘅收益好有限，不過，呢樣嘢係唔可能立竿見影。佢又認為，港交所股價今日只係跟隨大市向上，要大幅炒上就唔易。
