【Now財經台】吉利汽車(00175)連升2日後有回吐，今天走勢暫時同前2日完全相反，衍生市場投資者即刻反手做淡，還是繼續看睇好？
星展財資市場部上市產品主管周國威指，最近吉利爆升受惠於「汽車下鄉」政策，但其實消息公布前，有資金流入吉利CALL輪，見到消息一出股價爆發後，呢批CALL輪有明顯獲利情況，有部分投資者選擇食糊，但亦有部分將到價CALL輪換馬去價外輪，博正股有潛在上升空間，若再升自然賺多一轉，冇升都可以走人，雖然吉利股價升至高位，有資金選擇開淡倉，但由於市場上吉利淡倉選擇產品唔多，因此，睇好吉利嘅部署會較靈活。
