【Now財經台】內房股捱沽，小型內房大發地產(06111)暫時係跌幅最大嘅港股，上日已大跌66%收市，今朝一度反彈31%，之後又再大成交下急挫，曾跌38%低見0.58元，成交股數較過去100日同時段平均成交，急增超過2000倍，成交金額近5000萬元。
公司4月合約銷售額按年跌94%，首四個月則跌82%，去年全年業績由盈轉虧，蝕4.8億元人民幣，公司淨負債率由2020年嘅61.2%大升至上年嘅102.2%。
內地政策鬆綁，大型民營內房可以重新發債，但中小型內房依然水深火熱，呢兩日大成交，會唔會係有主要股東被斬倉，就要留意公司會唔會出通告。
