【財經TOP SEARCH】賭股3月低位頂得住？

【Now財經台】截至早上11點，1小時內彭博用戶關注度上升最多的港股，依次為金沙中國(01928)、君實生物(01877)、國泰航空(00293)、銀河娛樂(00027)、長實集團(01113)。

今日有兩隻賭股上榜，國家移民管理局噚日重申，唔鼓勵個人出國旅遊觀光，有澳門業內人士估計，下半年召開中共第20次全國代表大會前，都未必有出境團。

京華山一國際研究部主管彭偉新指，冇人知幾時可以通關，賭股只能睇住手頭嘅資金可以「燒」幾耐，依家嘅情況都好惡劣，暫時未必做到持續有客，更遑論增長。Castor又話，賭股業務唔係單一做賭場業務，亦有其他投資如興建酒店等，所以仍有基本價值，預期賭股股價短期未必會跌穿3月港股大跌市時嘅低位。