【股市脈搏】留意君實收市頂唔頂得住呢個位

【Now財經台】醫療保健指數中，跌幅最大嘅君實生物 (01877) 今朝開市冇耐，高低波幅已經近20%，股價以暫時高位，高開逾5.4%後，好快就轉跌，一度低見47.5元，倒跌逾13%。

君實股價今朝以1支大陰燭，一次過跌穿所有移動平均線，成交較過去100日同時段平均大增7倍，暫時成交金額約4億元，已多過噚日全日成交。

技術走勢方面，君實股價暫時仲守到上升通道底，要留意今日收市或未來幾日守唔守到50元，如果失守，可能要下試46元水平。