【Now財經台】思捷環球(00330)股價午後突然插水,但其實未見傳出任何特別利淡消息,有指係受噚晚美國零售股表現差拖累。
思捷今朝低開2%後,一直keep呢個跌幅,但下晝返嚟成交先急升,之後跌勢加劇,接近下午3時,跌幅曾擴大至逾21%,見全日低位1.29元,收市報1.34元,跌逾18%,成交股數較過去100日同時段平均大增5倍,成交金額近1.1億元。
思捷股價3月底、4月初開始起動,一度由0.9元水平炒上1.8元,個半月累升逾倍,由於股價累積咁大升幅,今日借美國零售股急挫獲利回套,今日喺1.3元水平有啲支持,除留意業務發展外,亦要睇下有冇其他消息跟尾。