【Now財經台】截至早上11時止，1小時内《彭博》用戶關注度上升最多港股，依次為舜宇光學(02382)、龍湖集團(00960)、雅居樂集團(03383)、龍光集團(03380)、比亞迪股份(01211)。
舜宇係今朝升幅最大藍籌，同大市一樣收復返10天、20天線，一度高見111元，升近12%，到底係咩原因令舜宇大升？
京華山一國際研究部主管彭偉新指，舜宇本身冇咩新消息，可能同內地逐步防寬防疫措施有關，市場睇好整體手機銷售，喺股價咁低殘下，現水平再跌嘅空間唔多，令資金有做短線部署嘅意慾。
Castor又話，只要舜宇可企穩20天線水平，加上9天RSI已落到幾低嘅水平，應該可以吸引到投資者追入，帶動股價有一個較大嘅反彈。
