【股市脈搏】知乎炒同快手合作憧憬？
【分析】 2022/05/17 11:28
【Now財經台】知乎(02390)股價今朝以暫時高位，高開逾14%，報23.5元，其後升幅略為收窄。
知乎今朝出通告，指彭佳曈辭任非執行董事，由陳定佳接任，並於噚日生效，陳定佳2015年開始做快手(01024)科技首席技術官，有大型科企工作嘅豐富經驗。
知乎仍然係蝕緊錢，舊年淨虧損擴大至13億人仔，股價走勢亦比較差，公司上個月以每股32.06元喺香港第二上市，招股反應已經麻麻，上市第1日即刻畀美國納入「預定除牌名單」，一開市就插穿招股價，睇下公司今次換非執董可唔可以憧憬知乎同快手有合作，刺激股價向上。
想睇更多財經消息
