【名家給力場】華章悉心部署易手？

【Now財經台】華章科技(01673)計劃發行9000萬元可換股債(CB)，認購人是集團第2大股東，亦係公司執董方暉，若全數兌換呢批CB，將會持有公司26％股權，成為最大股東，咁即係公司有機會變相易手？

《香港股票財技密碼》作者梁杰文相信，易手機會都幾大，公司大股東前年出現資金鏈問題，集團近年亦多次配股集資，而第2大股東就不斷接貨，相信公司正逐步將股權交棒。

至於於呢批債券嘅息率高達12厘，Mike相信，未必同公司資金鏈緊張有關，成個換股債交易都可能係公司嘅部署。