【NOW財經台】截至早上11時止，1小時內《彭博》用戶關注度上升最多港股，依次為佳兆業集團(01638)、中芯國際(00981)、龍光集團(03380)、中國恒大(03333)及新鴻基地產(00016)。
中芯噚晚出咗首績，首季多賺1.8倍，毛利率亦升至40.7%，但股價今日反應唔大，而公司對第2季嘅指引定得較為保守，其中估計毛利率將冇增長，反觀台積電第1季業績理想兼傳加價，似乎中芯都加價無望。
大華繼顯執行董事梁偉源指，內地企業第2季受封城影響，盈利前景一定差過上季，加上受制於供應鏈問題，令成本上升，繼而令毛利受壓。他又指，台積電產品有條件加價，原因係台積電做高檔次產品，有好多美國客追住加單，中芯產品比較中檔，加上有競爭對手，所以中芯加價能力遠不及台積電。
