【Now財經台】蒙牛乳業(02319)向法國乳業巨頭達能收購雅士利國際(01230)25%股權，每股作價1.2元，並計劃以同樣價格私有化雅士利，較上周五收市價有逾30%溢價，值得留意係，雅士利仲係蝕緊錢，到底蒙牛有咩盤算？
獨立股評人莫灝楠認為，內地工業生產者出廠價格(PPI)按年大升8.3%，反映通脹問題嚴重，不過，乳製品下游消費品，就因為政策無辦法加價，雅士利主業圍繞原奶及奶粉，因此，收購雅士利呢類上游原材料公司，對蒙牛嚟講可以有整合作用，所以今次私有化重點唔係對蒙牛嘅盈利有幾大幫助，而係著眼於長遠嘅整合作用。
