【股市脈搏】傳港人下月有機「返鄉下」！縱橫遊大跌市爆上

【Now財經台】據日本媒體報道，日本擬最快6月開始准海外旅客入境。

主力做日本旅行團、自由行嘅縱橫遊控股(08069)價量齊升，今朝高開逾14%，升幅一度擴大至逾71%，高位見0.6元，但之後升幅顯著收窄，成交股數逾1200萬股，較過去100日同時段平均成交飆91倍。

隨著本港第五波疫情緩和，政府逐步放寬社交距離措施，集團重新籌辦本地遊，加上市傳日本計劃開關，刺激股價今日喺大跌市勁升，雖然縱橫遊股價今日一度狂飆，但之後已經升少一大截，後市會點走，就要留意日本同香港通關嘅消息。