【Now財經台】中國建築國際(03311)股價喺過去6個交易日累升近16%，同去年同期比較更大升近1倍，滙豐證券認為，公司喺模塊化集成建築方面擁有技術優勢，更成為該行嘅基建首選股。中國建築今年兩度挑戰11元水平，但始終企唔穩，可唔可以趁今輪升勢突破逾4年高位？
英皇證券研究部總監陳錦興指，中國建築嘅盈利增長動力較強，業務規模亦較大，加上唔同項目嘅建築潛力都唔錯，毛利率、盈利能力較穩定，相信估值可以進一步提升。佢又指，中國建築係大型基建項目嘅主要受惠者，股價自然會隨著市場炒作基建概念穩步向上。
Stanley又指，短線而言，中國建築股價喺阻力位附近有一定整固壓力，不過，集團上半年至第3季業績仍值得憧憬，建議投資者可以喺整固區域低吸，又睇好下半年嘅基建炒作、業績可以支持股價。
