【股市脈搏】賽晶回購「出手低」救唔到股價

【Now財經台】有做IGBT概念嘅賽晶電力電子(00580)跟隨中車時代電氣(03898)收市升3%，IGBT主要用喺電動車、鐵路機車等半導體。

賽晶上年純利大跌90%，只係賺約1500萬人仔，由於基本因素唔好，弱市下股價跌唔停，上星期已跌穿埋3月中低位，公司之後即刻回購股份，係2年幾以嚟第一次，但只係涉資近300萬元，對股價提振作用唔大，股份跌至逾1年低位，落到2元邊緣，亦見唔到轉勢跡象，基本因素唔理想、市況冇改善，股價可能都要維持反覆偏軟格局。