【股市脈搏】春江鴨出動掃高比電？

【Now財經台】比亞迪電子(00285)股價早段走勢反覆，但中午收市前升幅開始不斷擴大，午後衝破15元關口。

比電今日會出業績，公司之前發過盈警，第1季最多少賺75%至85%，即係最多賺1.2億人仔，純利好大機會連續3季縮水。

比電上年進軍電子煙行業，股價由50元水平跌到近日低位13.4元，累跌超過70%，股價今日開始反彈，升穿10天線，但20天線，即保歷加通道中軸15.4元仍未收復到，比電股價下晝愈升愈有，係咪有春江鴨知道首季純利會好過盈警預測，好快就有答案。