我的股票

    名稱 現價 升跌

    資料報價延遲十五分鐘

    【輪證下半Part】同阿市一齊無所事事

    【輪證】 2022/04/27 13:50

    【now.com財經】上半場基本上都難以有動作,很直線的估計指數會低開高走,但確實並不是高走好多,去到11點打後先至見到五分鐘圖上保歷加通道整條呈上,但喺同一時間開始至上半場完場,指數都係傾向橫行,唔通上行真係咁無動力?

    望住條恒指發吽逗嘅時侯,Whatsapp響起,原來電台嘅同事Send咗今日UAT Live嘅Flip,睇睇內容順便幫手望多眼做校對,「滙控(00005)不回購...」都係嘅,季息又派,被人質返落去都合理嘅。

    反正恒指咁悶,八掛下個股啲日線圖。滙控四連陰兼有兩個裂口喺度,但依家1點22分見到股價出咗「倒轉錘頭」走勢,咁跌法保歷加通道當然係拓闊緊啦,Slow STC(14,3)兩線仍然向住超賣方向出發,但都叫做仲有幾步路先至到底,更莫論有無轉勢情況出現,不過都值得放入去Watch list度先嘅。

    美團(03690)日線圖上見走勢又真係幾張勁喎,上星期五(4月22日)低見130.1元之後就三連升,雖然上行幅度唔高,不過到今日見到股價都叫做一度上破20天線水平,50天線暫時見亦是阻力,Slow STC(14,3)兩線觸底情況明顯,都真係爭條保歷加通道未見拓闊。

    至於恒生(00011)方面,真係唔駛講,一個Put樣出晒嚟,可惜市場上無Put亦無熊(今朝作戰室有人問我時,朕Check咗啦),所以都係得個睇字。

    最後贛鋒鋰業(01772),日線圖上噚日同前日夾埋出咗「身懷六甲」出嚟,今日借業績做好出「大陽燭」撐返起,作戰室都有戰友打算將佢收歸入倉,得唔得過多日就知,睇住條10天線先。

    稿件變動:【輪證贏家】及【輪證下半Part】即日起已登陸富途牛牛圈,而【輪證贏家】於5月開始會告別《信報》,其餘的一切照舊,多謝繼續關注同支持。

    作者阿珊,任財經/投資版傳媒人十幾年,《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證,唔貪心,志在搵餐下午茶。

    想入作戰室?Click呢度就得:https://www.patreon.com/cbbcwar

    FB:https://bit.ly/3uixP4Y

    想睇更多財經消息