【專家分析】新華保險投資賺少咗可大可小？

【Now財經台】新華保險(01336)發盈警，預期上季少賺最多80%，其中一個原因係投資收益少咗，但通告冇仔細交待減少嘅原因，最令投資者擔心係，當中有冇涉及同房地產相關嘅減值撥備，呢個憂慮係咪新華保險今日急挫嘅原因？

紅蟻資本投資經理李澤銘指，呢個都係一個因素，因為公司冇交代清楚，A股上季向下，而新華保險都有做股權投資，繼而影響投資收益，其次係內地債券息率向下都會影響投資回報，第3係公司有冇內房相關投資出現一啲減值撥備，但呢個係令人有啲奇怪，因為睇返內房資產價格，今年第1季同舊年第4季分別唔大，如果要撥備理論上係舊年第4季做，留到上季先做難免令人產疑惑嘅係留返今年先做，所大就要留意今個星期出嘅業績，如果真係同房地產有關，就要特別警惕。