【Now財經台】香港寬頻(01310)出咗中期業績，收益按年及按半年都有得升，不過，如果拆開睇，企業方案、企業方案相關產品分別跌12%及升4%，住宅方案冇增長，其他產品，即銷售增長75%，呢份業績投資者收唔收貨？
紅蟻資本投資經理李澤銘指，睇返香港寬頻呢份業績，住宅及零售部分表現平穩，似乎冇受經濟下行影響，不過，企業方面就令人擔心，因為公司主要服務中小企，香港經濟受疫情及社交距離措施影響，已經下行咗一段時間，而中小企係最受影響。雖然依家防疫措施逐步放寬，但中小企復甦速度較慢，相信公司整體復甦要去到明年初先慢慢見到。
