【財經TOP SEARCH】疫情受控有「賭」未為輸

【Now財經台】截至早上11時止，1小時內《彭博》用戶關注度上升最多港股，依次為銀河娛樂(00027)、時代中國控股(01233) 、中遠海能(01138) 、國泰航空(00293) 、金沙中國(01928)。

旅遊相關股份有3隻上榜，除國泰外，賭股全線連跌第2日，今日都有兩隻上榜。此外，中遠海能逆市走強，上榜內房股則有時代中國。

大華繼顯執行董事梁偉源指，雖然賭股今個星期初炒咗上去，但始終疫情在其他地方仍有零星爆發，加上「五‧一黃金周」全面放寛旅遊嘅機會唔大，所以短期內對賭股唔會有太大憧憬。不過，他認為，投資者亦唔使太悲觀，因為疫情已逐漸受控，只要疫情好轉，賭股喺低位仍有一定承接。