【Now財經台】之前已發咗盈喜嘅山東黃金(01787)，首季轉賺逾3億人仔，收入按年大升84%，毛利率亦有改善，不過，銷售開支急升超過2倍，淨負債率又惡化，融資成本亦增加唔少，呢啲都係咪值得關注？
英皇證券研究部總監陳錦興指，山東黃金股價近排都跟住金價升咗唔少，亦反映咗首季業績扭虧為盈嘅因素，但其實呢份業績都唔算太對辦，加上上述提及嘅因素，同埋受疫情影響，導致部分礦要停產，雖然4月中部分礦已復產，但多多少少都有影響，今年整體產量係咪符合預期都係疑問，加上金價近日都跌得比較急，所以投資者都趁業績消息出貨，佢又估計，山東黃金股價短期仍然要調整。
