【Now財經台】截至早上11時止，1小時内《彭博》用戶關注度上升最多港股，依次為合景泰富集團(01813)、時代中國控股(01233)、易居企業控股(02048)、中國海外發展(00688)及建設銀行(00939)。
今年以嚟，內地已有逾70個城市鬆綁限購、限售等樓市政策，但大和認為，疫情反彈、經濟放緩等因素，仍會拖累內房復甦，加上人民銀行降準幅度細過預期，所以內房股都冇乜支持，呢個板塊嚟緊係咪繼續冇運行？
京華山一國際研究部主管彭偉新指，如果大規模「放水」有機會出現資產泡沫，事實上，依家並非大幅降準嘅好時機，加上好多內房仲未解決過度融資問題，再鬆綁樓市政策反而會令情況惡化。佢又話，雖然內房板塊開始反彈，但流入板塊嘅資金唔多，反映投資者對行業仍然審慎。
Castor又話，雖然中海外嘅估值喺內房之中唔算高，但集團嘅融資、借貸併購能力都較強，因此，佢估計，中海外股價後市應該有得升。
