【財經TOP SEARCH】美團去到呢個位或止步

【Now財經台】截至早上11時止，1小時内《彭博》用戶關注度上升最多港股，依次為富力地產(02777)、美團(03690)、時代中國(01233)、中國恒大(03333)及思摩爾國際(06969)。

聯儲局議息會議紀錄噚晚出爐即震散美股，其中以納指最傷，不過，在港上市嘅重磅科網股，今朝普遍由跌轉升，但中午前又跌過，其中美團中午前升幅收窄至1%，但仍然係表現最好藍籌，如果依家斷言科網股已喘定，係咪過分樂觀？

椽盛資本投資總監曾永堅指，美團喺外圍仍處於殺估值潮，加上美國國債孳息率上升，令美國嘅科技股持續受壓，不過，香港嘅科技股板塊跌得好殘，估值平就變得有吸引力，增加咗呢啲股份嘅抗跌力。

Jasper又話，美團出完業績至今反彈咗唔少，估值修正後，毛利仍會受壓一段時間，估計美團股價喺50天線有阻力，即159元水平。