【Now財經台】中國飛鶴(06186)噚晚出咗業績，股價今日顯著受壓，飛鶴去年盈利倒退，拆開上下半年睇，下半年盈利及收入都少過上半年，到底公司整體經營狀況，係咪仲差過市場預期？
耀才證券研究部經理譚智樂坦言，飛鶴目前嘅形勢唔樂觀，股價未出業績前已經跌咗好多，依家飛鶴面對原奶價格持續處於高水平嘅問題，令毛利率表現較差，加上全球供應鏈問題亦影響整個乳業，而集團分銷、運輸成本亦較上年大幅上升。
Arnold認為，上述因素難免令市場擔心飛鶴前景，估計集團嚟緊1年嘅業績，表現會比舊年更差，亦係飛鶴股價持續下跌嘅主因。
