【Now財經台】截至早上11點，1小時內《彭博》用戶關注度上升最多港股，依次為寶龍地產(01238)、東方海外國際(00316)、中信銀行(00998)、五礦資源(01208)以及瑞聲科技(02018)。
寶龍及旗下物管寶龍商業(09909)需延遲發布2021年業績，而核數師亦決定劈炮，寶龍股價今朝低開10%後，跌幅一度輕微擴大，但之後收復部分失地，寶龍商業更一度大跌逾17%。今個月有唔少內房要延遲公布去年業績，情況值唔值得擔心？
大華繼顯執行董事梁偉源指，如果呢啲公司可以清楚交代延期幾耐，市場就冇咁擔心，如果延遲出業績之餘，連核數師都請辭，市場會擔心呢啲公司短期內揾唔搵到核數師接手。佢又話，如果公司唔可以喺短期內比到一個公布業績嘅日子，港交所有機會要呢啲公司停牌，到時投資者就更擔心佢哋嘅財務問題。
