【財經TOP SEARCH】京東系不了？

【Now財經台】截至早上11時止，1小時内《彭博》用戶關注度上升最多港股，依次為京東健康(06618)、旭輝控股集團(00884)、龍源電力(00916)、李寧(02331)、友邦保險(01299)。

京東集團(09618)及京東物流(02618)噚日派咗成績表，雖然業績麻麻，但大行都冇狂踩，只係下調目標價，不過，都幫唔到股價，未出業績嘅京東健康更加要「跌咗先」，投資者係咪已經對京東系冇晒信心？

大華繼顯執行董事梁偉源表示，大市氣氛低迷，中概股、科網股都插水，恒指又跌到20000點邊緣，投資者對港股嘅信心都較弱，所以不論業績、大行報告點樣，投資者都會減磅，加上今日係星期五，周末前冇撈底資金流入，令股價冇乜支持。佢又話，京東健康呢類醫藥股未有錢賺，好難吸引投資者趁低吸納。