【財經TOP SEARCH】啤酒股「兩會」前偷步掃高

【Now財經台】截至早上11時止，1小時內《彭博》用戶關注度上升最多的港股，依次為華潤啤酒(00291)、中電控股(00002)、信義玻璃(00868)、港交所(00388)、旭輝控股(00884)。

A股及港股嘅酒股，不論白酒股還是啤酒股，幾乎全線造好，上榜嘅潤啤已連升3日，今朝一度升5%，但青島啤酒(00168)表現更搶鏡，今朝一度升超過9%，市場憧憬「兩會」後有放寬防疫、重振內需嘅措施出台，所以酒股率先炒起？

京華山一國際研究部主管彭偉新指，「兩會」提及點樣刺激經濟會係關鍵，消費就係一大重點，因可以最快提升國內生產總值(GDP)增長。佢又話，依家環球經濟較為疲弱，經濟刺激政策需靠本地消費，帶挈相關消費股被掃高。