【Now財經台】截至早上11時止，1小時內《彭博》用戶關注度上升最多的港股，依次為吉利汽車(00175)、滔搏(06110)、融創中國(01918)、中國飛鶴(06186)及瑞聲科技(02018)。
吉利股價失守15元，公司之前公布嘅銷售數據已經麻麻，今日車股除咗比亞迪股份(01211)，其他都跌得好急，市場係咪憂慮車股基本面問題？
富昌證券聯席董事譚朗蔚指，車股跌係因為芯片問題影響產銷，令市場唔係太睇好前景。此外，內地新能源車補貼政策導致比亞迪、長城汽車(02333)股價喺上年11月回落，市場上去年熱炒汽車股，但今年口味已經變咗。
技術走勢方面，舊年12月至今，吉利嘅均線凝聚死亡交叉，失守17元，落去14元水平，睇返數據，後市有可能跌到2020年初疫情期間12元先有支持。
