我的股票

    名稱 現價 升跌

    資料報價延遲十五分鐘

    【財經TOP SEARCH】資金「有出冇入」小米有排捱

    【分析】 2022/02/25 12:33

    【Now財經台】截至早上11時止,1小時内《彭博》用戶關注度上升最多港股,依次為小米集團(01810)、龍光集團(03380)、中國華融(02799)、澳博控股(00880)、俄鋁(00486)。

    市傳小米原本計劃今個星期喺烏克蘭開新手機發布會,但依家爆發戰事,區域銷售大計一定有影響。睇返小米股價今朝跌至逾年半低位,值得留意係上小米對上一次公開回購股份,已經係1月19日,即係成個月冇再回購,小米預期喺3月下旬先出業績,放榜前股價係咪會持續受壓?

    寶鉅證券董事及首席投資總監黃敏碩指,小米銷售唔算太標青,市佔率又跌watt,加上海外發展又有阻力,一定會拖低股價,佢又話,雖然小米股價跌咗唔少,但暫時睇唔到有資金撈底嘅跡象,喺資金流出、換馬及冇買貨動力下,資金只會有出冇入。

    黃敏碩
    寶鉅證券董事及首席投資總監
    想睇更多財經消息