【Now財經台】俄羅斯總統普京授權俄軍對烏克蘭東部地區採取特別軍事行動後，烏克蘭全國多處遭炮轟，震動環球金融市場，港股一度急瀉逾800點，不過，有隻業績股仍逆市有得升，就係噚日出咗業績嘅ASM太平洋(00522)。
艾德證券期貨聯席董事陳政深認為，ASM股價仲有上升空間，雖然第4季收入倒退，但有62億元都唔錯，毛利率又顯著上升，反映喺供應鏈受阻下，ASM盈利能力仲可以改善，加上估值唔貴，自然吸引到資金入市。
Ryan又話，如果驚股價出完業績後，升勢維持唔到，可以再觀察多一、兩日，睇下會唔會上返250天線，即93元水平，因為今日嘅極端市況，係同地緣政局有關。
